我的日志( )
唔经唔觉原来已经三日无写过野了，今日系时候啦。点解三日都无写呢？因为累，特别系星期一开始翻工之后，个人就想训觉，正所谓“夏日炎炎正好眠”，所以呢日我都一直围绕住训觉进行工作，好彩无俾人发觉。还好天气而家开始慢慢变得无甘热，主要都以多云为主，有时仲会有雨落添（系咪好似天气报告呢？），所以我既精神相信会系充足既睡眠同天气情况底下逐渐好转。
讲番今日，其实都系无咩特别好写，不过我知道听日就系2008北京奥运既一年倒数，即系离开幕仲有整整365日，广州既某D广场仲会有活动；而从今个星期起，媒体方面就已经宣传得沸沸扬扬，相信都无边个唔知道有件甘既事挂？而且我从电台（翻工果阵听既）仲听到一首话系关于08奥运既宣传歌曲（唔知系咪甘叫），但系我好肯定唔系主题曲，个歌名好似叫做《WE ARE READY》（英文不好，拼错对不起呀！）系中港合共一百三十多名歌手参与演唱，阵容可谓相当庞大；而且仲会系倒数既呢一年里面，将会以呢首歌作为向大众宣传08奥运既唯一一首歌曲（强呀！！！），相信到左听日，将会有更多既机会听到呢首歌，期待2008北京奥运！
昨天无写日记，系因为实在系无咩野好写，唔通净系写天气同日期咩？好啦，到左今日终于都有野写啦，今日系小周末，应该讲今日对所有打工一族都系比较开心既一日，因为听日就放假啦，可能想下阵间同D朋友去边度HAPPY HOUR或者周六日有咩搞等。但系今日对于我黎讲就恰好相反，因为今日发生左件唔愉快既事（姑且让我甘讲）。事情既详细我就唔多讲啦（愤怒呀！），只系我想讲有时作为一位领导，应该知道咩叫“无甘大个头，就唔好戴甘大顶帽”同埋千祈唔好“一朝得志，语无论次”，甘样做系会好打击员工士气既。唉，工作呀~~~~~！
今日系特别既日子，相信唔讲大家都知道，今日系中国人民解放军建军八十周年的日子，电视上也播出了一些特备的庆典节目，虽然建军节好似唔系我地平民既节日，但系睇番呢D节目，先发觉原来D军人真系相当之辛苦，更加唔好讲以前抗日果阵系点啦。今日除左系过节之外，就再无咩特别既野了，一切都好正常，所以今日就写住甘多，系甘先。
今日系七月份既最后一日，都系同平时一样甘过，无咩唔同。但系今日有所唔同既就系在今天同事们买的报纸上，我睇到原来听日就建军八十周年的大日子。于是我就睇左呢份报纸关于建军节既特别内容，个题目我唔记得了（好似系咩铁血什么什么的），但系内容就大致上讲左关于中国解放军的十大虎将、十大武器和一些军服着装的改变（唔知道有无讲错）。其中，我最感兴趣既就系中国解放军的十大虎将，虽然我唔系全部都记得，或全部都认识，不过我都识入面大部份既英雄（只系俱地唔识我而已），而系入面当中我最钟意（不如讲成我对俱印象最深的）的虎将就系刘伯承元帅。
我记得介绍俱果篇文章个题目系“千里挺进大别山的独眼‘军神’”，特别系“独眼”呢个词另我更加记得呢位元帅。因为系小学既时候我曾经读过关于呢位元帅因为战事而被敌人伤及（忘了左眼还是右眼）的故事，他不但叫医生不要使用麻醉药，因为眼睛距离大脑较近，他不希望影响大脑，所以就决定不用麻醉，直接叫医生帮他把受伤眼睛的腐肉割掉（唔知有无记错），术后他还对医生说刚才一共是下了多少刀（具体的我也忘了）。成个故事好似就系甘，所以我先对呢位元帅特别的有印象。
听日就系八一建军节了，祝中国人民解放军节日快乐！
今日星期一，7月30，沉闷的一天，成日都无咩野发生过，收左工就翻屋企，但系呢个时候，突然俾我发觉今晚窗外个月亮又大又圆，岩岩开始都仲系好清楚，但系跟住慢慢就开始变得模糊，好似俾D云遮住左甘。其实我觉得甘样仲好睇，如果我有女朋友，我一定会同埋俱一齐睇，因为够浪漫吖嘛。今晚个朦胧之月直到我而家写紧野都依然见到，不过已经越来越淡了，我一边望一边觉得呢D甘既月色好似有小小问题，好似预示住会有咩唔好既事会发生，我直觉系甘觉得，希望系在下杞人忧天啦；不过我始终觉得系自己出世既地方，月亮系特别好睇既！
既然今晚都无咩特别，不如早睡早起，听朝仲要翻工！生活呀~~~~
已经两日无写日记了，感觉好似有D唔好意思，因为毕竟叫做日记吖嘛，如果唔系日日都写，甘叫咩日记呢？不过其实我无写呢两日，系同我一个移民左去美国既小学同学一齐出左去聚旧，当然仲有其它小学同学，全部都系以前同埋一班既。虽然都系出去打下篮球、唱K或者去饮下野，但系我觉得都好开心，因为大家都分开左甘多年，而家再见番面，好似有一种似是故人既感觉，因为大家系埋一齐六年，其实彼此都好熟悉，所以先会有种甘既感觉。除左大家身材唔同左之外（一系肥左，一系瘦左），个样都无咩点变，基本上一眼就睇出果个系边位。大家都有问起近况，个个都做晒野咯，但系做咩就大家都讲得比较笼统，唔肯明言，睇黎个个都有所保留，可能系唔好意思作出比较挂......
总之呢个双休日就好似系开左一个小学既同学会甘（虽然系凭借住移左民果位同学既号召力），但系大家过左甘耐都依然记得有呢班同学，仲要系小学阶段既时候，所以我个人觉得呢个双休过得真系好有意义！
今日26号，感觉好快就到星期四，希望听日过得更快。今朝早一番到公司岩岩坐低，我地部门既“头子”就入黎同我地讲俱既投资心得（唔知俱系咪炒股执左好多），话咩银行股可以投资、钢铁股同埋地产股比较有风险，又话其实俱都系靠个女先识得炒股，话俱个女从13岁开始跟俱姑妈去股票市场，开始学习炒股，曾经试过累自己炒到唔见左二十万，但系亦都凭其父女对股票的触觉将失去的再找回来，就单单今日就已经赚了七、八万，仲叫我地D人每人拿五千或一万去试下..........汗！
其实，我觉得后生仔应该都系脚踏实地会比较好D。因为本身自己入世未深，睇人都未识，又边有眼光识睇股票呀？更何况电视都有话啦，股票有风险，投资需谨慎吖嘛。而且公司又唔加我地人工，就算我想试下，都无本钱啦，玩鬼玩马咩？发梦果阵可能会得既！
25，星期三，今日天气似乎有所好转，犹其系夜晚，有时都有几阵风吹入屋，唔洗唔似个微波炉甘。
今日好早就番到屋企，所以就打开部电视睇下，经过一轮搜索，我发现有个台做紧“叮当”，于是就贪得意去睇，一边睇住，一边就想起以前自已细个果阵不知几钟意睇，几乎所有动画都睇；唔经唔觉，我都已经做野咯，而家再睇番，D感觉都几过瘾，真系怀念以前仲系细路果阵。如果有机会我一定睇番以前错过左果D动画，虽然做唔番细路，但系当缅怀下童年都好呀。
7月24日，就算唔讲都知系晴天。今日岩岩翻到公司，就话有一位同事请假无翻，于是就稳左另外一个同事黎顶俱个位。但系唔觉唔觉，成日甘长，俱居然完全唔驶问人点做，而且样样野都做得好岩，几乎无错。我留意左成日，俱真系好犀利，好似样样都识甘。但系睇下自已，除左本职工作之外，其它既野就真系不敢恭维，点解人地会甘叻咖？如果今日系稳我顶上，到时就真系献丑咯！！！
其实，我觉得归根究底都系自己既责任，如果我样样都可以留心多D，俾D心机去睇下人地点做，今日做到果个就系我啦，呢D应该就系叫做机会啦，不过可惜我把握唔到，睇黎以后我仲有大把野要学，努力呀！
23号，今日星期一，亦都系大暑，但系今日又唔系话真系热到点样（可能我坐系办公室），不过都相当难顶，听闻话几十年后地球将会无左冬天，甘到时咪仲热得犀利，甘点算呀？！天呀！！
今日系公司做做下野既时候，突然觉得对眼睇野好似眼花花甘，于是合埋休息一阵，之后又清楚番，唔知我系热到中暑？定系开始早期近视呢？（由于工作关系）老实讲，我真系相当唔想近视（当然中暑都唔想啦），因为戴眼镜真系好麻烦，而且做起野上黎都好唔方便，更兼会俾人改花名，就算呢样唔讲，但系难听D讲句，如果有咩突发事件，你戴住副眼镜都唔方便啦，所以以后都系要多D注意对眼，好好保养。
今日系星期六，亦都系平淡既一日（闷呀........！），首先系打机，跟住都系打机，最后亦都系打机；可能系因为今晚无咩电视节目既关系，不过听讲今晚无线会做MISS H.K，不过我睇左一阵，就觉得无咩意思，可能系D欣赏能力未够挂？所以除左打机，都系打机。但系打下打下，我突然醒起好似广告话今晚明珠台会播我偶像（布斯.威利士）既电影《虎胆龙威2》（DIE HARD），虽然旧系旧D，而且我都睇左好几次，不过由于太过钟意俱，所以都系无办法，始终都要翻煲。今日就讲到呢度，系甘先。
首先同自已讲声早晨，因为今日迟左小小（挂住打机），所以要搞到凌晨时份先写日记，因为今日系星期五吖嘛。^_^
今日其实都系平凡既一日，不过我觉得今日既时间好似过得特别快，可能心情较佳既原因，毕竟翻埋今日，我就有两日息休啦，心情断估都唔会差得去边既。不过近排系公司入面我发现好多人都好似有感冒（D同事话吹得冷气多所致），所以自已都应该小心，千祈唔好中招呀！如果唔系呢个双休日就会变得暗淡好多咖啦。讲下讲下，时候都唔早啦，够钟去饮早茶，去开定位先，晚安。