暑假最后一部期待嘅电影『哈里波特』，真系令我失望透顶..一D都唔刺激..仲害我为咗搏少人神咁早起身..不过反而系片头嘅电影预告见到有部『集结号』几唔错～唔好觉得我会对哩类型电影有兴趣奇怪..
之后同妈妈去吃饭、行街、叹咖啡..佢就真系几识叹啦..仲知道Cappuccino加肉桂好味D..可怜我嘅银包..原来天气渐渐转凉啦，好多店铺都有长袖衫上架，见到一件本来超中意，点知竟然等于我半个月工资..哎..我是可怜的孩子～
- 不能说的秘密
终于赶喺落画之前睇咗想睇好耐的『不能说的秘密』，戏院今日只系播两场，我睇嘅仲系最后一场..实在佩服个编剧到五体投地嘅地步，难得咁复杂嘅剧情竟然无讲唔过去嘅地方，既搞笑又感人，原来识弹钢琴嘅男仔真系好正，从来只系知道Jay识弹钢琴，但系唔知真系咁出神入化..到最后见到Jay知道真相为咗返去1979年，喺拆紧嘅旧琴房到弹琴，感觉有D似曾经睇过一部外国电影，钢琴家都系喺一栋倒塌紧嘅楼到弹钢琴，好感动啊..真系庆幸无放弃去戏院睇嘅决定~
我要留言To Comment 阅读全文Read All | 回复Comments() 点击Count()
- 日记_2007年8月10日22点47分
其实噚日同小凯嗌交真系超唔开心，系人都知我脾气唔好，不过从来都唔会乱来，但系噚日真系激死我了，喺办公室里面就同佢吵咗起来，超大声嗰种，原来有句说话啱得很，对别人仁慈即系对自己残忍..
之后今日同popo去唱K，咩都发泄出来，好耐无认真唱K了，带酒精嗰D唔计。哎..始终有嘢都系唔好自己收埋收埋，好容易会内伤..同吖po倾咗好多好多，我哋好似各自陷入咗一个无办法解决嘅局面，迷茫..之后去吃pizza..最后嘅甜品竟然系芒果蛋糕..我仲好唔知死咁吃咗几啖..希望唔好发作..阿门..
我要留言To Comment 阅读全文Read All | 回复Comments() 点击Count()
- You have changed
估唔到你竟然会记得我number，害我喺公司无端端笑，畀佢哋话我“开警告单开得你咁高兴都系第一次见..”亦估唔到你唔中意Jay都肯陪我睇佢嘅戏，知道不？u have changed
我要留言To Comment 阅读全文Read All | 回复Comments() 点击Count()
- 日记_2007年7月21日21点12分
成日话要睇7、8月份嘅电影，今日终于睇咗第一部期待嘅『Transformers』，噚晚同炜商量睇边场嗰阵，九唔搭八咗几次，害我都差D搞唔清究竟系睇边一部..系哩期早上睇戏好in，还是个个都好似我哋咁贪少人，唔知几时开始早上都好多人去，我哋去到嗰阵D位已经所剩无几，最搞笑系我谂住整会员卡，嗰个服务员话以为我办学生会员卡，同我讲学生vip嘅优惠，我嘅学生证啊！！点解我咁笨交咗返去..
两个半钟嘅『Transformers』真系好正，令我谂返起细个嗰阵成日同哥哥佢哋一齐睇卡通版，谂唔到真人一样好睇，可惜经常打到乱七八糟..都来唔切分清边个同边个..不过我始终都觉得系好睇喔～
哩两个logo系唔系好熟悉咧～
我要留言To Comment 阅读全文Read All | 回复Comments() 点击Count()
- 日记_2007年7月21日1点1分
今日超开心～又见到班小学同学，仲“附带”地见到个初中坐我隔离嘅同学，见到太子同佢一齐来嗰阵都有D吓亲，好耐无见佢啦，记得上一次见系喺东门行街撞到，佢仲好搞笑咁讲“自从初中之后上课就无人叫醒我啦～”之后同嘉嘉喺出边坐咗阵，倾咗好多嘢，原来不知不觉哩几年发生咗咁多事..唔知点解初中高中嘅同学都未聚过，小学竟然成日聚会，大个咗要见返以前D同学真系咁难，可以做嘅只系珍惜每一次见面嘅时间..
pS：7、8月啊～太多好睇嘅电影啦！快D上映啦～～
我要留言To Comment 阅读全文Read All | 回复Comments() 点击Count()
- 日记_2007年7月15日20点7分
返咗两日广州，竟然将上个月嘅工资挥霍完咗..心痛..
我要留言To Comment 阅读全文Read All | 回复Comments() 点击Count()
- 七月七日晴
终于离开生活咗三年嘅大学，唔舍得..嗰到有我嘅快乐同失落，如果问我大学三年最大收获系咩，我觉得系识到一班好朋友，无咗你哋就唔会有今日嘅我，一齐经历咗咁多，眨下眼就要分开，我会很想你们的。
毕业聚餐之后去咗宝安唱K，趁饮咗酒我又做咗一件好傻嘅事，呵呵..有口话人无口话自己..好耐无玩得咁尽兴，不过令我学到咗一样嘢，千期唔好坐饮咗酒嘅人部车，仲有机会喺到写日记真系开心～（金毛..我知你一定会闹我..）
坐车返屋企嗰阵明明有好多嘢想讲，唔知点解上到来就觉得好似唔多想讲，有D嘢系心照嘅。
pS：Thank you for staying with me today.You knew my webolg address.
我要留言To Comment 阅读全文Read All | 回复Comments() 点击Count()
- 回到过去
今日很意外听到一D消息，世界原来有好多嘢都好巧合，我、小雯同东少终于回到过去，真系难得大家而家都一样，没关系的，我相信无论点都会撑得过去，有你哋喺到我唔会气馁。要记得说过我们要永远在一起。
我要留言To Comment 阅读全文Read All | 回复Comments() 点击Count()
- 初生之犊
经常听到别人说“初生之犊不怕虎”，昨天听到消息周一大盘，竟然很兴奋！尽管别人说大盘很痛苦..
回到公司整天就问我们负责的复盘什么时候开始，当真正踏入那个可以跟桑拿浴室媲美的仓库的那刻..彻底后悔了..而且在那里看到了令我大开眼界的一幕，由于盘点人数很多，梯子不够，大部分人选择到达仓库货架上层的办法是——扮演一次蜘蛛侠..我从来都不知道仓库的货架有这样的功能..还有这么多的“蜘蛛侠”-_-|||，好得他们很照顾我，不用我爬上爬下，只要我检查扫描清单，哎..感动ing..始终都是办公室好啊～
pS：今日同吖彤去仓库嗰阵经过餐厅门口无意中望咗下里面
小蚊“喂，我发觉有个男仔好似L