今晚同钳钳倾咗颇多，人就系咁噶啦，成日以为收得好埋，无人知道自己点谂，当有一日有人讲出自己嘅某个性格特点，先发现..原来还是有人了解我的。
- 天堂_口
今日真系过得超开心，虽然中午嗰阵再次因为订单问题畀人吓咗下，但系夜晚去咗吃饭睇戏，可以一直咁简简单单真系好。由7月中到8月底，足足过咗个半月每个周末喺戏院hea嘅日子，放暑假就系咁好，虽然我已经唔系放紧暑假～
原来『天堂口』并无好似D报纸评论咁不堪入目，可能情节唔算精彩，但系我觉得佢讲男人同男人之间嘅兄弟感情反而好深刻，有D嘢自己未睇过真系唔会了解，毕竟评论都只系某一个人嘅见解喈。之后就到『第十九层空间』了，讲真..好惊..不过都想试下``
我要留言To Comment 阅读全文Read All | 回复Comments() 点击Count()
- 晴天娃娃
门外的桂花香 飘进我的书桌前
我知道该起床 妈再给我两分钟
拉开了窗帘 怎麼是下雨天
把吐司咬碎碎 餵我的狗叫MIKAI
哥哥说你猜猜 今天为什麼下雨
原来MIKAI把晴天娃娃吃了
* 我讨厌下雨天 亲爱的你快出现
不然我 就告诉妈咪你偷牵我的手
我喜欢夏天 你穿背心的感觉
每天 都想黏 都很甜
pS:有无人认得哩首歌？
我要留言To Comment 阅读全文Read All | 回复Comments() 点击Count()
- 日记_2007年7月8日22点38分
今日一早就畀金毛仔吵醒咗，如果唔系手机就系枕头旁边的话我一定起唔到身去听，之后上咗成日淘宝，想揾只手镯换，带咗咁耐已经习惯，如果突然唔带会觉得唔妥，但系..竟然一只都揾唔到中意嘅..呜呜..
我要留言To Comment 阅读全文Read All | 回复Comments() 点击Count()
- 日记_2007年7月1日0点31分
上一辈子我同东少一定系亲生嘅两姐弟，如果唔系性格唔会咁似噶，连同一时间发生嘅事都一样，唔可能咁啱噶～嗰日同佢饮嘢讲起纹身，竟然都想去，差D有冲动要即刻去整，我豁出去啦～
今晚好搞笑，小静夫妇夜麻麻揾我去唱K，睇见佢哋咁幸福真系好，或者就系因为佢哋我当初先会做个咁嘅决定，之后我话太夜，吖dee喺隔离用佢“独特”嘅普通话讲咗句“我们要庆祝香港回归十周年啊～”，笑到我就死..数下数下都好耐无揾佢哋玩了，难得嗌咗我两次都咁啱唔得闲，下次啦～下次一定！！
这几天还是让我静一静吧..
我要留言To Comment 阅读全文Read All | 回复Comments() 点击Count()
- 日记_2007年6月24日0点35分
挣扎咗好耐，中午吃完饭准备要返学校嗰阵，起起嗌我下昼一齐去睇戏，同佢讲我要去考试，点知..畀佢一番说话动摇咗我好难得先落定咗嘅决心..我无志气？系啊，我承认，我唔记得几时已经将哩D嘢抛弃咗。
虽然无选择同起起睇电影，但系选择咗嗌东少出来坐，感觉应该好好同佢倾下。见到面佢话我知两日无吃嘢，前晚又去咗饮酒，仲好意思话见到个兄弟畀人屈饮咗超多好心痛，换我嗌你声大佬啦～我都好心痛你好无..好怕佢再咁落去唔知会有咩后果。听到话hama对佢好好，成日买早餐畀佢吃，又逼佢一日三餐准时吃饭，哎..超安慰啊..起码佢哋读一间学校，终于有人可以帮我睇住哩个咁唔生性嘅细佬。可能有人觉得我咁对某人来讲好残忍，当我系了..我唔会解释，因为迟早佢有一日会明白。
听日考试嘅各位，加油啦！
我要留言To Comment 阅读全文Read All | 回复Comments() 点击Count()
- to someone
我知你而家好难受，东少带畀你嘅伤害并唔系一朝一夕造成。但系醒下啦，当系为咗佢同埋你自己好，放手未必唔系一件好事，我唔知道嗰个可以令东少讲“我而家系好爱佢。”嘅女仔系唔系有咁好，不过既然值得东讲哩句说话，就肯定有佢过人之处，一个变咗心嘅男人，唔好再咁执着啦..
你嘅爱有时真系太沉重，畀东少一种想逃避嘅感觉，畀你越捉得紧就越想挣扎。我细佬性格我太了解啦..佢真正决定要走，就唔会返来。你而家仲细，以后嘅路仲好长，为咗一段无结果嘅感情搞到自己咁值得咩？好好冷静一下重新过新生活啦..无咗爱情都可以过得好精彩噶～
我要留言To Comment 阅读全文Read All | 回复Comments() 点击Count()
- 日记_2007年5月14日22点9分
噚日母亲节各位有无同妈妈庆祝啊？小蚊抽咗一日时间来陪妈妈，好似好耐都无认真咁同佢倾计行街，所以噚日妈妈大晒，话去边就去边，话做咩就做咩，love u so much哦～
虽然有D迟，不过都系祝各位妈妈母亲节快乐
我要留言To Comment 阅读全文Read All | 回复Comments() 点击Count()
- 日记_2007年4月18日21点21分
よかった~挨咗咁耐终于听日开店啦，临近开店哩段日子好辛苦..为咗报表每日都要比佢哋早返工，又要7点几先放工，熊猫啊..不过得闲嗰阵去卖场玩，见到自己负责嗰两课嘅排面咁隆重，辛苦都值得啦~而且咁啱哩两课特别多赠品，佢哋嘅订货员工都会预我一份，都几好玩噶~
pS：Janet今日来咗巡视，OMG..就连而家肚里面有BB都仲系咁有个性，偶像啊！
我要留言To Comment 阅读全文Read All | 回复Comments() 点击Count()
- 日记_2007年4月14日22点2分
呼～明天又要一个人值班了，还好有订货员工上班可以陪我。刚才去了阿度的相册，看到他们穿学士袍的毕业照，一方面很郁闷干嘛我们会没穿，一方面很害怕，害怕毕业，快过试用期了，但是没有了当初的动力，担惊受怕地过日子很累，对，说穿了只是我怕犯错输不起，以前再辛苦也没想过要辞职，现在我有，却舍不得走，因为他们都很疼我，尤其在OP和晓燕由一开始相依为命到现在剩下宽一个男孩子，我们两个见证了太多，我不敢保证要是到了别的公司是否能够遇到一样的好朋友，所以..还是努力吧..