一刹那的永恒(雨舲)

今日好唔好采，竟然番到屋门口至发生左意外。归根结底系自己开车嘅技术唔过关。开车嘅时间其实都唔算好短，不过就系做人唔得醒，所以就将老公教嘅野忘记得一干二净。明明讲左：如果出现意外事件嘅时候就立即放手，冇再呼油门。今日就系犯左昵个严重嘅错误，吾单止将部车搞到新车变旧车，自己都受左伤。唉，点算，做人成个傻大姐样，无啲精叻。怪唔之得我个老公成日都好担心我，如果有一日落班落得迟左，佢就好惊，唔知我係路上发生左乜事。
事情发生左之后，我仲大发脾气，仲话唔开嚹，激到佢死。我老公系个老婆大哂嘅人，唯有好声好气锦劝我，佢话：老婆，你今次只系小小意外嗻，车唔伤得重，人就更加冇乜事，况且都应左个劫，算罢啦，冇咁执着至得架。讲来讲去就系叫我小心啲，仲讲个个开车嘅人都会发生昵啲事情架，唔使咁介怀。无办法，唯有系听佢讲啦，况且有部车，确实系上落班方便左好多，一切都由自己掌握，自由度大好多。希望自己学精啲，开车更加小心，咁就避免左好多麻烦事情啦。