我的日历
最新评论 
友情链接 
访问计数 
收藏本站 
喺一般人心目中，爸爸嘅形象都硬朗、身經百戰、歷盡滄桑。眾所周知，周國賢已為人父，但接觸過佢嘅人都覺得佢似一個大細路多過爸爸；連佢都承認自己係一個喺溫室中長大嘅人。
作為04年度新人，周國賢喺今年3月已經推出首張個人EP。事隔8個月，已經迅速推出第二張唱片，而且仲係大碟，唔係EP。喺現今逐漸萎縮嘅香港樂壇，可以出唱片已經唔容易，更何況作為一個新人可以一年出兩隻，睇嚟周國賢嘅唱片公司華納對佢嘅信心真係好大。
無知少年
23歲就已經結咗婚，仲生咗個歲幾大嘅囡囡，但係Endy喺父母心目中依然係細路仔。周國賢：“我同太太喺日本相識，拍咗幾年拖就想結婚，之後一年就生咗囡囡。父母初初都有問我點解咁早結婚生仔，但係我覺得結婚生仔冇問題，當時覺得要結婚就結婚。”
周國賢而家已經長大，但係原來由細到大，佢都係喺溫室裏面長大。“我記得我讀六年級之前冇去過學校同屋企以外嘅地方，中二先第一次搭地鐵。仲記得六年級上健教堂時，男仔同女仔要分開上堂，好多同學都喺度偷笑，我就懵然不知，我細個時嘅生活圈子真係好細。”新碟中周國賢就寫曬喺“溫室”成長嘅感受出嚟。
留學被恰
其實溫室仲有第二個意思，除咗受到身邊嘅人保護之外，喺生活上佢都冇遇過咩大風大浪。Endy：“我真係幾好彩，都冇遇過咩嘢慘事，身邊嘅朋友比我辛酸百倍。”當年周國賢隻身去紐西蘭同日本留學，碰到嘅苦都只係小巫見大巫。“以前喺紐西蘭讀書，比我高幾年班嘅唐人好鍾意恰我哋啲低年班，搶我哋啲球場，或者喺我哋食嘢時故意撞跌你，受過吓少少皮肉之苦；不過到我高年班時都有恰返人報仇。”
感動到喊
出國讀書俾師兄恰吓真係好少事，相比起Endy一位朋友嘅愛情悲劇真係濕濕碎。“我朋友同佢女朋友係青梅竹馬，但係遭雙方家長反對，女方被迫去咗外國。好彩幾年後復合，點知女方又患上癌症，最後仲離開咗佢添。我朋友將呢個故事寫成歌詞，我錄呢首歌嘅時候都唱到喊。”十足電視劇橋段嘅故事，如果要經歷過呢啲故事先可以變得成熟穩重，相信周國賢寧願做軟弱嘅溫室爸爸，都唔希望做歷盡滄桑嘅老成爸爸。
Band房“大曬”
周國賢喺紐西蘭讀書時已經開始夾Band，返到香港同班Band友仲日日夜夜匿埋喺間Band房度放音樂。最近周國賢搬咗新Band房，位於天後清風街，裏面雖然地方細細，而且亂咗少少，但係都幾舒服。“我一個禮拜最多喺呢度2、3日。其實呢間Band房我冇份投資，係我Band友開嘅，我喺度做音樂要俾場租嘅，不過係友情價，幾舊水搞掂！”話就話間Band房周國賢冇份，都係裏面就有好多佢嘅蹤跡，而家即刻嚟睇睇。
作為04年度新人，周國賢喺今年3月已經推出首張個人EP。事隔8個月，已經迅速推出第二張唱片，而且仲係大碟，唔係EP。喺現今逐漸萎縮嘅香港樂壇，可以出唱片已經唔容易，更何況作為一個新人可以一年出兩隻，睇嚟周國賢嘅唱片公司華納對佢嘅信心真係好大。
無知少年
23歲就已經結咗婚，仲生咗個歲幾大嘅囡囡，但係Endy喺父母心目中依然係細路仔。周國賢：“我同太太喺日本相識，拍咗幾年拖就想結婚，之後一年就生咗囡囡。父母初初都有問我點解咁早結婚生仔，但係我覺得結婚生仔冇問題，當時覺得要結婚就結婚。”
周國賢而家已經長大，但係原來由細到大，佢都係喺溫室裏面長大。“我記得我讀六年級之前冇去過學校同屋企以外嘅地方，中二先第一次搭地鐵。仲記得六年級上健教堂時，男仔同女仔要分開上堂，好多同學都喺度偷笑，我就懵然不知，我細個時嘅生活圈子真係好細。”新碟中周國賢就寫曬喺“溫室”成長嘅感受出嚟。
留學被恰
其實溫室仲有第二個意思，除咗受到身邊嘅人保護之外，喺生活上佢都冇遇過咩大風大浪。Endy：“我真係幾好彩，都冇遇過咩嘢慘事，身邊嘅朋友比我辛酸百倍。”當年周國賢隻身去紐西蘭同日本留學，碰到嘅苦都只係小巫見大巫。“以前喺紐西蘭讀書，比我高幾年班嘅唐人好鍾意恰我哋啲低年班，搶我哋啲球場，或者喺我哋食嘢時故意撞跌你，受過吓少少皮肉之苦；不過到我高年班時都有恰返人報仇。”
感動到喊
出國讀書俾師兄恰吓真係好少事，相比起Endy一位朋友嘅愛情悲劇真係濕濕碎。“我朋友同佢女朋友係青梅竹馬，但係遭雙方家長反對，女方被迫去咗外國。好彩幾年後復合，點知女方又患上癌症，最後仲離開咗佢添。我朋友將呢個故事寫成歌詞，我錄呢首歌嘅時候都唱到喊。”十足電視劇橋段嘅故事，如果要經歷過呢啲故事先可以變得成熟穩重，相信周國賢寧願做軟弱嘅溫室爸爸，都唔希望做歷盡滄桑嘅老成爸爸。
Band房“大曬”
周國賢喺紐西蘭讀書時已經開始夾Band，返到香港同班Band友仲日日夜夜匿埋喺間Band房度放音樂。最近周國賢搬咗新Band房，位於天後清風街，裏面雖然地方細細，而且亂咗少少，但係都幾舒服。“我一個禮拜最多喺呢度2、3日。其實呢間Band房我冇份投資，係我Band友開嘅，我喺度做音樂要俾場租嘅，不過係友情價，幾舊水搞掂！”話就話間Band房周國賢冇份，都係裏面就有好多佢嘅蹤跡，而家即刻嚟睇睇。
回复Comments
{commenttime}{commentauthor}
{CommentUrl}
{commentcontent}