shunyi

顺子嘅初恋故事
　　我同巨一开始就系个错误。认识巨，系读中专一年级，他读左一年就从隔离班转到我地班，而爱上巨是中专三年级开始嘅事。
　　我同巨系同一道地方嘅人（南海），哩个条件使我地行得更近，因为我地学校个时有搞同乡会嘅习惯，虽然学校系吾允许甘做的，我本人无参加。
　　听巨朋友说巨曾经有过几个女朋友，吾知点解巨同巨嘅女朋友都吾会太长久，原因系点就要问巨本人先知了，短嘅一个星期，长嘅只有几个月。他朋友话我系算最长架啦了。
　　巨是一个176CM高大英俊、生活富裕嘅内外男生，在巨熟悉嘅朋友面前巨系个多野讲嘅人，都可以话开朗的；而系陌生女性面前就系一个吾多仲意讲野嘅人，亦吾会主动同人讲野，所以巨女性朋友并吾多。
　　巨亦系我嘅初恋。人地话初恋系最难忘，而我就把哩段初恋搞到一塌糊涂。吾知点解我对巨特别来电，到现在为止我都吾敢望巨对眼，好像巨要将我吃左甘，所以我好惊望巨，但我爱巨又不识点样表达。而我系一个157CM开朗活泼嘅女生，在班担任班长，亦系因为巨嘅出现使我变得多疑、变得屈屈寡欢、变得愚蠢了，或者哩D就系爱情嘅力量吧。
　　系我宿舍同学眼里头我地两个系吾错的一对，但到左后来巨追到我之后，我觉得巨对我就忽冷忽热了。可能我吾系好识点样拍拖，又可能系因为巨嘅性格问题罢了。我地有另于其他情侣，有时十几日都吾出次街，就算系班在见到巨我都吾敢直眼望巨，我甘嘅行为可能让巨以为我怕巨讨厌巨挂。所以我觉得我地吾系拍拖甘，哩种情况一直到毕业实习。我有段时间觉得好辛苦了，就快毕业个阵打电话问过他："我们甘样好吗，你对我仲有无感觉？如果两个都辛苦就吾好拖了。"他话："你吾好迫我了。"我话："好，俾你三日时间考虑，如果吾想拖的就分开吧。"到最后因为吾舍得我地仲系在一起。
2004年7月10号学校正式毕业了，我留系广州工作，他就返屋企。
时间真系可以淡化一切吗？ 8月15号个日，就系我地分手嘅日子，当时巨系借我好朋友嘅口同我讲分手的，巨话当面讲惊我伤心。理由系：吾好等我了......
那时我哭了，为了爱情，我第一次哭了。想起跟他以前嘅种种。虽然无人地所讲嘅爱到死去活来，爱到难舍难分，但我就系忘记吾到他，直到依加都忘记吾到巨。依加直系我好想问巨"吾好等我"系咩意思？系当时距离太远，你惊我系广州有更好嘅男仔追而远方还有巨自己一个男朋友而吾好接受人在嘅感情?定系你之后要读三年书吾想拖住我嘅青春？定系仲有其他原因？但我一直无问出口。
跟巨分左手，明白生活仲系要过的，所以之后都无甘伤心了，只是有时会谂起巨，就甘样过左两个月。突然一条信息打扰左我嘅心："最近还好吗？"就甘样我地又开始联络返了（个阵仲记得系十月份）。
从巨口中知道，巨读书了，读大专，学校系天河个边。过左一排，我返到南海做野了，系甘无疑我地之间又拉开左距离。
不过我系甘样安慰自己的"做吾成情侣可以做朋友姐，只要知道巨嘅近况，巨过得开心我就开心啦。之后我一直强迫自己用朋友嘅心态去对待巨，还好，我表现得吾错，觉得这个决定系对嘅。有时反而觉得以前系一齐仲无依加倾嘅话题多呢！
过左无几耐，烦恼亦随之而来，我们对方仲觉得放吾低对方，巨嘅多方暗示，我敢肯定巨仲系喜欢我，不过巨没讲明，我亦无声，系哩几个月内，我同巨嘈过几次架，最记得一次嘈架，（是我嬲巨先）我哭左，个个晚上他打左好几个电话来，望着不停响嘅手机，我却无勇气接，巨发左信息过来话："你吾好甘啦，我个心好痛啊，如果你想开心你吾好哭啦……！ 你吾系真系想我学我同学甘拿头撞地先原谅我，如果系我撞"望住哩条信息，我谂返起巨曾经同我说过巨个朋友为左要巨女朋友回头，当街跪在地上求巨女朋友，巨当时话如果系巨,巨就吾会甘做，正所谓'男儿下有黄金' ,我的眼泪流过不停，个心好痛，前所未有嘅痛。仲问："你真系一次机会都吾肯俾我？"。我回巨："我吾知，你吾好迫我了，俾D时间我。"个晚我自己一个人喝酒了。
同时系个段时间，我忽然谂起左B君，B君追左我两个几月,(但系我当时无话俾巨知)B君一直安慰我，愿意将我拉出哩个爱情嘅深渊。我当时系到谂，既然有个甘好嘅男仔，点解要自己甘辛苦，当时我以'错过左巨我,嫁俾边个都系一样'嘅心态。渐渐接受左B君嘅追求。将巨埋左系内心深处。我知道当时自己系利用B君来忘记巨，系好对吾住B君，但我真系想稳个人来分散我个注意力。
B君系广州人，当时系好远嘅地方工作，但好似对我地完全无影响，同B君个段时间我好开心、个心好轻松(哩个系同巨一齐无嘅感觉)一日一两个电话系正常的，而且一傾就系个几钟，渐渐甘我个心确认左B君。仲约好左时间出广州见面，B君屋企人已经知道有我嘅存在，仲话到时去见B君嘅家人，我觉得太快了，但我无讲出来。
到左个日，我地两个人去左帽峰山，之后就去B君屋企食饭，食完饭就谂住返南海，但天色已晚了，B君父母、奶奶好热情甘叫我留系到过夜，从B君口中知道巨父母同奶奶都好仲意我，因为就算系B君以前个女朋友巨地都从来无叫个姖系家过夜的。B君个边有个习俗，相信两个时辰八字好甘就无问题了，我俾左个时辰八字B君父母对，话我地两个好甲，系好少有的。我谂系因为哩个原因巨地先甘仲意我的。
天有不测之风云，系一个星期嘅时间内因为某些事我同B君两人被迫分开，当时我觉得好可惜，真系好可惜，但系就没有心痛嘅感觉，(而我一谂起同巨发生嘅事我个心就好痛)我仲话过会等B君两年。个段时间觉得好辛苦，因为习惯左一个人好恐怖，突然间好似自己咪都无晒甘，有时半夜起身都会想起B君,都会哭，哭了就发信息俾B君，B君就会打电话来安慰我。时间真系可以改变一切的，就甘过左两个月，我个心都渐渐忘记左曾经有B君嘅存在了。

一段时间内我过返单身人的生活，到左自己一个人系宿舍个阵，我谂返起巨同B君嘅所有事，我对巨地两个嘅感觉，终于得出一人可怕的结理：对以前巨同，我仲未忘记到，哩个结果对于自己来讲好可怕。我吾知点算。爱一个人好难，而我自己又吾知点处理一段感情，当时觉得好烦，但又管吾住自己个心。
顺其自然----哩个系我依加安慰自己唯一同巨联系返嘅理由……之后直到现在都保持联系……
有时我谂：巨同我同年，巨以后仲有大把时间发展巨嘅事业，巨曾经同我讲过："做多次我个女朋友。"哩句系我发梦都想巨同我讲嘅说话呀，依加巨讲左出来了，当时我听到好感动，但反而我同巨讲："我吾想再伤多次，觉得自己是一个包袱，我吾想拉他后蹆！"巨话："你自己认为姐。"当时我都吾知点答巨。直到现在，我地都系保持住比朋友还要好的关系。

系前一段时间，我同他倾电话倾到凌晨一点几钟,虽然好眼训，但双方都无收线嘅意思，到左最后，我们讲到左巨以前在学校嘅女朋友，"我以前都是玩玩下架姐!"这句话身为每一个当事人听左都会嬲的，就甘样我以我想睡觉嘅理由结束这次本来完美嘅谈话。之后两日我都无稳巨，就因为想起了他个句话，但他发过好几次信息过来，问我仲嬲巨呀？唉，对于巨，我真系嬲吾落啊，最后都同巨发返短信了，不过就个天开始，总系觉得我地之间有左一层隔膜甘，有时对着电话两个都吾知说D咩好，至甚连续十几秒都等对方出声，好辛苦。

依加谂下：为什么我总是围着他转，自己身边又吾系无其他男追。有时几天不联系就觉得个心好吾舒服、好吾踏实，每时每刻都谂巨系到做咩呢？我谂我真系中左情毒了……
于是就落定决心吾稳巨了，巨依加都吾稳我了……

唉!有边个可以话我听，哩个男人可靠吗，值得我爱吗，有时觉得我自己拥有过甘样一段经历就已经很满足了，吾系话"不在乎天长地久，只在乎曾经拥有咩"？至少巨爱过我，仲记得我，甘样吾系已经足够了咩？人类总系好贪心的，有了就想有更多。
我嘅愿望只系想每天都过得开心，这个愿望对于别人所讲嘅要身财万贯，要环游全世界嘅愿望渺小得多吗，但它就系最难实现嘅一个愿望啊！即使有D人有钱都吾会开心，吾系咩？

对往事，走到今天已经不容易，轻轻地抽出手说声再见，真嘅很感谢这一路上有你，曾说过爱你，今天仍是爱你，只是爱你却不能与你在一起……

突然谂起光良嘅一首歌："记得我爱你好不好，记得心最乱的拥抱，如果有一天，你活得糟糕，当你悲伤记得有我靠，有些爱最后才明了，有些爱一生遇不到，不管谁最后陪着你到老，记得有我曾爱你这么牢，不变的心跳……"
哩D就系我依加唯一能够同巨讲嘅说话。广，我爱你!
保重!记得要活得开心，你开心我就开心了……
　　　　　　　　　　　　　　　　　　　　　　　　　　　　　一个执着的女孩---郑柔